Nagpahigayon og Food Redemption ug Distribution of Goods ang lokal nga kagamhanan sa Piñan ubos sa “Walang Gutom Program” niadtong Mayo 21, 2026 didto sa Municipal Gymnasium aron makahatag og suporta sa mga pamilyang nanginahanglan sa komunidad.
Malamposong napahigayon ang maong kalihukan uban sa kooperasyon sa mga partisipante ug mga personnel nga mitabang aron maseguro ang hapsay ug organisadong pag-apod-apod sa mga hinabang ngadto sa mga benepisyaryo.
Nagpasalamat usab ang lokal nga kagamhanan sa Department of Social Welfare and Development Region IX personnel tungod sa ilang padayong suporta ug dedikasyon sa pagtabang sa mga kabus nga pamilya sa lungsod.
Dako usab ang pasalamat sa MSWDO personnel nga aktibong mitabang sa pag-facilitate sa programa isip kabahin sa paningkamot sa gobyerno nga mapalig-on ang kampanya batok sa kagutom ug mapalambo ang kahimtang sa komunidad.(JENIFFER JR. DELICA)
Source: Mayor Rommel Gudmalin