Nagpahigayon og community caravan ang lokal nga kagamhanan sa Salug niadtong Mayo 21, 2026 sa Barangay Tambalang aron madala duol sa katawhan ang nagkalain-laing serbisyo sa gobyerno ubos sa pagpanguna ni Mayor Dr. Ruth Brillantes.
Lakip sa gipahigayon atol sa caravan ang Benteng Bigas Program nga nagtanyag og barato nga bugas alang sa mga residente isip kabahin sa kampanya nga “Rice for All” aron makatabang sa mga pamilya batok sa pagsaka sa presyo sa pagkaon.
Gipahigayon usab ang Yakap Konsulta Caravan sa Rural Health Unit ug Feeding Program sa Municipal Nutrition Office diin nakadawat og libreng check-up ug masustansyang pagkaon ang mga residente sa barangay.
Naghatag usab og libreng binhi ang Agriculture Office alang sa mga mag-uuma, samtang libreng registration services ang gitanyag sa MCR Office, ug libreng allot ang gipanghatag sa 97th Infantry Battalion isip dugang suporta sa komunidad.
Gipasiugda sa lokal nga kagamhanan nga pinaagi sa hiniusang paningkamot sa mga opisina sa gobyerno, Barangay Health Workers ug health staff sa Tambalang, mas napadali ang paghatag og serbisyo ug pag-atiman sa katawhan sa barangay.(JENIFFER JR. DELICA)
Source: Municipality of SALUG
Sent from Outlook for Android