Balhog karon sa prisohan ang usa ka 62 anyos nga lalaki sa hiniusang operasyon sa mga tinugyanan sa balaod,mga alas 3:00 ang takna sa kagabhion, Abril 24,2025 didto sa Barangay San Vicente, Dapitan, Zamboanga del Norte.
Ang dinakpan naila nga si Charito Galvadores Batal, 62 anyos, lalaki, vendor , notadong wanted person ug residente sa nahisgutang barangay, nadakpan gidakop pinaagi sa Dapitan City Police Station (CPS), Mabuhay Special Booking Center – 5th Special Operations Unit (SOU), ug sa 901 st Maneuver Company sa Regional Mobile Force Battalion (RMFB), PRO9, tungod sa paglapas sa National Building Code of the Philippines (Presidential Decree 1096) sa Section 301 in relation to Section 213 sa PD 1096, ubos sa Criminal Case No. 20799 pinasikad sa warrant nga giisyu ni Hon. Hilarion Jonathan Garcia Maagad, Presiding Judge sa Municipal Trial Court in Cities (MTCC), 9th Judicial Region, Dapitan City, nga adunay girekomendar nga piyansa nga Php1,000.00.
Ang suspek gipahibalo sa hinungdan sa iyang pagdakop ug gipahibalo sa iyang mga katungod sa konstitusyon ug naka kustodiya na karon sa Dapitan City Police Station alang sa tukmang disposasyon ug dugang legal nga proseso.(Medalyn U. Borja)
Source: ZNPPO