Ang buhatan sa Agrarian Reform Committee ( BARC ) gikan sa mga Barangay sa Siayan ug Sindangan, Zamboanga del nagtigom alang sa usa ka Agrarian Justice Delivery sa mga Lider sa Mag-uuma,niadtong Abril 24,2025 didto sa Covered Court sa La Roche, San Miguel, Zambonga del Norte.
Mikabat 69 ka mga chairman sa Barangay Agrarian Reform Committee (BARC) gikan sa mga nasangpit nga barangay ang nisalmot sa maong panagtigom nga gipasiugdahan sa Legal Division sa DAR Provincial Office ubos sa pagdumala ni Atty. Leo James M. Briones.
Ang maong aktibidad gisalmotan nila ni OIC-SARPO Jeanette Q. Eguia, ARPO II Karishina O. Viado, ARPO I Jessica Briones, Stenographic Reporter Amor Grace Babaran, COS Rey Elumbaring ug MARPO Mila D. Banquirigo ug ARPT Sharon Mae Vincent.
Ang pangulo sa DAR Zamboanga del Norte,nga si PARPO II Rizzel B. Villanueva, CESO V, nibatbat nga ang mga chairperson sa BARC komitado sa pagsulbad sa mga kasungian sa agraryo sulod sa lebel sa barangay.
Tumong niini mao ang paglugway sa kahibalo sa mga Chairperson sa BARC nga magahatag sa mga partisipante ug makahuluganon nga mga diskusyon kabahin sa mga mahinungdanong bahin sa lain-laing mga balaod sa agraryo. (Medalyn U. Borja)
Tinubdan: DAR Zambonorte