DAKPAN ang usa ka 52 anyos nga wanted person sa gilusad nga hiniusang operasyon sa mga personahe sa Dapitan City Police Station (CPS), Mabuhay Special Booking Center 5th Special Operations Unit (SOU). ug ang 901st Maneuver Company sa Regional Mobile Force Battalion (RMFB), PRO9, mga alas 3:15 ang takna sa kahapunon,Abril 24,2025 didto sa Barangay San Vicente, dakbayan sa Dapitan.
Ang dinakpan naila nga si Artemio Samar Balisco, 52 anyos ,vendor ug lumulupyo sa nasangpit nga Barangay kinsa usa ka wanted person tungod sa paglapas sa National Building Code of the Philippines (Presidential Decree 1096) sa Section 301 in relation to Section 213 sa PD 1096, ubos sa Criminal Case No. 20798. Ang warrant giisyu ni Hon. Hilarion Jonathan Garcia Maagad, Presiding Judge sa Municipal Trial Court in Cities (MTCC), 9th Judicial Region, Dapitan City, nga adunay girekomendar nga piyansa nga Php1,000.00.
Gipahibalo ang suspek sa iyang mga katungod sa konstitusyon ug anaa na kini karon sa kustodiya sa Dapitan City Police Station alang sa tukmang disposasyon ug dugang legal nga proseso. (Medalyn U. Borja)
Source: ZNPPO