Sa pagpanguna ni SFO3 Elmar M. Pagente, Acting Municipal Fire Marshal, miresponde ang Bureau of Fire Protection (BFP)-Piñan sa usa ka vehicular accident nga nahitabo sa Barangay Lapu-Lapu niadtong Hunyo 5.
Pag-abot sa lugar, gisiguro sa Shift A Emergency Medical Services (EMS) personnel ang kahimtang sa insidente ug gisunod ang angayng mga safety protocol sa wala pa hatagan og tabang ang pasyente.
Sa inisyal nga assessment, namatikdan nga kini posibleng nakaimpluwensya sa makahubog nga ilimnon ug adunay samad ubos sa wala nga mata, bun-og sa agtang, ug garas sa wala nga kamot.
Gihatagan dayon kini og first aid pinaagi sa paglimpyo sa mga samad ug pagbutang og antiseptic aron malikayan ang impeksiyon. Human sa paunang pag-atiman, gidala ang pasyente ngadto sa Piñan District Hospital ug gitugyan sa emergency room medical staff alang sa dugang nga eksaminasyon ug pagdumala sa iyang kahimtang.(IKEN B. GULLEM)
Source: BFP R9 Piñan Fire Station