Balhog karon sa prisohan ang usa ka TESDA Graduate ug kauban niini nga laborer homan masikop atol sa gikasa nga joint buy-bust operation sa mga tinugyanan sa balaod mga 7:37 sa gabii, niadtong Hulyo 3, 2026, didto sa Bypass Road, Purok Duranta 1, Barangay Gulayon ning dakbayan sa Dipolog.
Ang maong mga dinakpan,naila nga sila si alyas “Danny” 41 anyos, lalaki, ulitawo, TESDA Graduate, Port Trucking Processor, ug residente sa Barangay San Vicente, Dapitan City, Zamboanga del Norte ug alyas “Marvin” 30 anyos, lalaki, ulitawo, hangtod elementarya, laborer, ug residente sa Barangay San Vicente, Dapitan City, Zamboanga del Norte,parehong bag-ong nailhan nga Street Level Individual (SLI).
Nasikop pinaagi sa mga personahe sa Dipolog CPS (SDET) isip (lead unit), uban sa mga personahe gikan sa 901st MC RMFB9 ug RDEU9, ug sa koordinasyon sa PDEA 9.
Atol sa operasyon nakuha gikan sa mga dinakpan ang nagkadaiyang heat-sealed transparent plastic sachet nga adunay sulod sa gituohang shabu nga mutimbang sa kapin-kulang 1 ka gramo nga nagkantidad ug PHP 6,800.00,P500 peso bill isip buy-bust money ug uban pang mga butang nga dili druga.
Ang mga nakumpiskang droga itugyan ngadto sa ZDN Provincial Forensic Unit alang sa eksaminasyon, samtang ang mga dinakpang suspek nakakostudiya na ubos sa Dipolog CPS alang sa tukmang disposisyon.(MEDALYN U. BORJA)
Source: Gikan sa COP, Dipolog CPS