Malampusong napahigayon sa mga personahe sa Mutia Municipal Police Station, ubos sa pagpangulo ni PCPT DANTE B. TABOTABO, OIC,ang usa ka foot patrol operations ug Information, Education, and Communication (IEC) materials distribution sa Mutia National High School, Barangay Sto. Tomas, Mutia, Zamboanga del Norte, mga alas 5:03 sa hapon niadtong Hulyo 3, 2026.
Gihimo ang maong kalihokan alang sa pagpakusog sa police visibility, pagpalig-on sa pakigtambayayong ug koordinasyon sa komunidad sa eskwelahan, ug ang tukma sa panahon nga pagreport sa mga kadudahang kalihokan aron makatabang sa pagpugong sa mga krimen ug pagpadayon sa kalinaw ug kahusay sulod sa tunghaan.
Alayon niini nga mapalambo ang kahibalo sa publiko sa pagpugong sa krimen, kaluwasan sa publiko, ug mga lakang sa seguridad,pinaagi sa direktang pakiglambigit sa mga estudyante, magtutudlo, ug mga miyembro sa komunidad nga gidasig sa mga personahe sa pagpabiling mabinantayon ug pagpadayon sa kooperasyon.(MEDALYN U. BORJA)
Source: PNP Mutia Municipal Police Station