Nakadawat og lima ka rescue vehicle ang mga barangay sa Liloy samtang giablihan usab ang bag-ong opisina sa Local Disaster Risk Reduction and Management Office o LDRRMO isip kabahin sa selebrasyon sa National Disaster Resilience Month.
Giturn-over sa Provincial Government sa Zamboanga del Norte ubos sa pagpanguna ni Governor Darrel Dexter T. Uy ang mga rescue vehicle ngadto sa Barangay Panabang, Punta, Maigang, Villa M. Tejero ug Goaw aron mapaspas ang pagresponde sa mga emerhensiya sa lebel sa barangay.
Gibendisyunan ug giablihan usab ang bag-ong LDRRM Office ubos sa administrasyon ni Mayor Roberto L. Uy Jr., CPA, nga gilauman nga makapalig-on sa pagplano, koordinasyon ug paghatag og serbisyo sa mga lumolupyo sa lungsod.
Sumala sa lokal nga panggamhanan, ang bag-ong mga pasilidad ug rescue vehicles kabahin sa padayon nga paningkamot sa pagpalig-on sa disaster preparedness ug paghatag og mas paspas nga serbisyo sa mga Liloyanon panahon sa mga kalamidad ug emerhensiya.(JENIFFER JR. DELICA)
Source: Municipality of Liloy