Nasikop sa gikasa nga joint buy-bust operation sa mga personahe sa kapulisan ang usa ka tattoo artist nga nagpayuhot sa ginadili nga drugas mga 8:45 ang takna sa kagabhion Agusto 25,2025 didto sa South Curvada, Brgy. Galas, ning dakbayan sa Dipolog.
Ang maong drug suspek naila nga usa ka 21-anyos nga lalaki , ulitawo, tattoo artist,nailhan nga bag-ong street level individual (SLI) ug nagpuyo sa Purok 2, Brgy. Sta. Isabel, dakbayan sa Dipolog.
Nasikop kini pinaagi sa mga personahe sa Dipolog CPS, uban sa koordinasyon sa RDEU 9 ug PDEA 9.
Atol sa operasyon nasakmit sa mga otoridad gikan sa suspek ang usa ka gamay nga heat-sealed transparent plastic sachet nga adunay sulod nga white crystalline granules nga gituohang shabu isip ebidensiya sa buy-bust, laing susamang sachet sa possession sa suspek, Php 1,000.00 nga buy-bust money,usa ka bukas nga transparent plastic nga sudlanan sa cellophane, ug usa ka OPPO touchscreen nga cellphone, itom nga adunay itom nga asul nga kaso ug SIM card.
Ang kinatibuk-ang gibanabana nga gibug-aton sa mga nakumpiska nga drugas mutimbang sa 1 gramos, nga adunay standard street value nga gibana-bana nga Php6,800.00.
Ang mga nakumpiska nga mga butang gi-turn over na sa ZDN Provincial Forensic Unit alang sa tukmang eksaminasyon, samtang ang suspek nagpabilin nga ubos sa protective custody sa Dipolog CPS samtang nagpaabot sa legal nga disposisyon.(Medalyn U. Borja)
Source: ZNPPO