DAVAO CITY – Nadiskubre ang usa ka block sa gituohang pinaugang marijuana nga gibutang sa hood sa usa ka nakapark nga sakyanan sa Km. 22, Purok 11 Calderon, Bud-Bud, Bunawan District, Davao City, pasado alas-5:40 sa hapon, Agosto 25, 2025.
Mismong ang tag-iya sa sakyanan nga giilang si alyas “Artemio,” 58-anyos, residente sa maong lugar, ang nagtawag og police assistance pinaagi sa Central 911 human makit-an ang naka-bubble wrap nga transparent plastic cellophane nga gibilin sa ibabaw sa iyang sakyanan.
Sa pagsusi, sulod niini ang usa ka bloke sa gituohang marijuana nga gibilin sa wala mailhing tawo.
Subay sa imbestigasyon sa kapulisan, posibleng nalambigit kini sa online illegal drug transaction ug ginapasang-at kini sa mga awtoridad.
Ang nakumpiskar nga kontrabando nakatakdang i-turnover ngadto sa Davao City Forensic Unit alang sa laboratory examination. .(Camille Santos Naraga)(Source:Contributed)