Gipahigayon sa Philippine Statistics Authority (PSA) ang “2024 Community-Based Monitoring System” (CBMS) Preliminary Result Presentation kagahapon adlawa, Agosto 26, 2025, didto sa buhatan sa City Mayor ning syudad sa Dipolog.
Gitambongan kini ni City Mayor Roberto Y. Uy uban sa nagkalain-laing mga hepe sa opisina ubos sa City Government of Dipolog.
Ang maong presentasyon gipangunahan sa mga presentor nga sila si Ms. Edna D. Kiskis, Senior Statistical Specialist ug CBMS Provincial Focal Person sa PSA Zamboanga del Norte, ug si Mr. John Adriel C. Paraguya.
Naglangkob ang diskusyon sa nagkalain-laing hilisgutan nga may kalabotan sa mga natigom nga datos nga gikinahanglan alang sa pagkumpleto sa CBMS para sa tuig 2024 sa syudad sa Dipolog.
Mitambong usab sa presentasyon si Engr. Roland A. Soliva nga nagrepresentar sa Private Sector, ug si City Councilor Hon. Praxides P. Rubia, ning maong syudad.
Ang pagpresentar sa 2024 CBMS Preliminary Result nagpasiugda sa paningkamot sa Philippine Statistics Authority (PSA) sa paghatag ug tukmang datos nga mahimong giya sa lokal nga pangagamhanan sa Dipolog sa paghimo ug mas epektibo ug sustenableng mga programa ug polisiya alang sa kalamboan sa komunidad.(Jumalisa Papa)
Source: Dipolog City Government