Tingkagol sa prisohan homan masikop ang usa ka rubber tupper nga nag atubang sa kasong Homicide atol sa gikasa nga hiniusang operasyon mga alas 10:50 ang takna sa buntag niadtong Marso 3, 2026,Sitio Munob, Barangay Daniel Maing, Kalawit, Zamboanga del Norte.
Naila ang dinakpan nga si alyas “Berto” 38 anyos, minyo, usa ka rubber tapper, ug residente sa nasangpit nga lugar kinsa gidakop tungod sa kasong Homicide ubos sa Article 249 sa Revised Penal Code.
Ang pagkadakop sa suspek gihimo sa Tracker Team sa 2nd ZNPMFC (lead unit) uban sa mga personahe gikan sa Kalawit MPS, Sindangan MPS, 901st Maneuver Company sa RMFB9 Intelligence Operatives, ug sa 97th Infantry Battalion, Philippine Army pinasikad sa Warrant of Arrest nga gi-isyu ni Hon. Abraham Sindatoc Marcaban, Presiding Judge, Regional Trial Court, Branch 11, Sindangan, Zamboanga del Norte, nga gipetsahan Abril 16, 2024.
Ang dinakpan gipahibalo sa iyang mga katungod sa konstitusyon ug pasidaan sa Anti-Torture Act sa usa ka pinulongan nga iyang nasabtan homan gidala kini sa Kalawit Rural Health Unit alang sa medikal nga eksaminasyon ug itugyan sa Sindangan MPS alang sa hustong disposisyon.(MEDALYN U. BORJA)
Source: ZNPPO