Niadtong Marso 4, 2026, mibisita sa Local Government Unit (LGU) sa Salug ang Regional Soils Laboratory nga gipangulohan ni Marie Mercedita J. Pascual, Chief sa Regional Soils Laboratory, uban si Leah Fe B. Briones, Chemist II, aron pormal nga makig-coordinate sa pagpatuman sa Mobile Soil Laboratory Deployment Program.
Kini nga koordinasyon alang sa pagdeploy sa Mobile Soil Laboratory sa lungsod sa Salug aron mahatagan og on-site soil testing services ang mga lokal nga mag-uuma.
Samtang, mainiton usab silang gidawat ni Hon. Dra. Ruth M. Brillantes, nga nagpahayag sa suporta sa LGU alang sa maong inisyatiba.
Pinaagi niini, gilauman nga motaas ang produksyon sa tanom, malikayan ang dili kinahanglang gasto sa abono ug uban pang inputs, ug mapalambo ang malungtarong pamaagi sa pagpanguma sa komunidad.(IKEN B. GULLEM)
Source: Municipality of Salug