Sikop ang usa ka 43 anyos nga ginang atol sa gikasa nga buy-bust operation mga alas 6:15 hangtod 6:53 ang takna sa buntag niadtong Marso 3, 2026, didto sa Purok 10, Brgy. Poblacion East, Salug, Zamboanga del Norte.
Ang maong dinakpan naila nga 43 anyos, babaye, minyo, usa ka housewife , bag-ong nailhang Street Level Individual ug residente sa Brgy. Mucas, Salug, Zamboanga del Norte,kinsa gidakop pinaagi sa mga personahe sa Salug Municipal Police Station.
Atol sa operasyon nakumpiska gikan sa suspek ang nagkadaiyang pakete sa gituohang shabu ug mga butang nga dili druga.
Gibana-bana nga motimbang sa usa ka gramo ang gibug-aton sa ilegal na drugas nga adunay standard nga presyo nga Php 6,800.00.
Ang nakumpiska nga mga butang sa droga ipadala sa Zamboanga Sibugay Provincial Forensic Unit alang sa laboratory examination, samtang ang suspek anaa na karon sa kustodiya sa Salug MPS alang sa hustong disposisyon ug pagpasaka og angay nga mga kaso.(MEDALYN U. BORJA)
Source: ZNPPO