Wala na maka iskapo sa kamot sa mga tinugyanan sa balaod ang usa ka notadong Street Level Individual (SLI) atol sa gikasa nga hiniusang buy-bust operation mga 12:30 udto niadtong Hulyo 2, 2026.
Ang maong dinakpan naila nga si alyas “Doomn” usa ka lalaki, 39 anyos, minyo, walay trabaho, nailhang street level indibidwal (SLI) ug residente sa Gulayon, Dipolog City.
Atol sa operasyon, nakumpiska sa kapulisan gikan sa suspek ang nagkadaiyang pakete sa gituohang shabu nga mutimbang sa 3 ka gramo ug adunay kantidad nga Php 20,400.00 base sa sumbanan sa DDB.
Ang pagkadakop sa suspek, gihimo pinaagi sa pagpangulo sa ZNPDEU nga gipangulohan ni PCPT ROY O MALAYO, OIC-ZNPDEU (Lead Unit), uban sa mga personahe sa Dipolog CPS, ZN 1ST PMFC, 901ST MC, RMFB9 ug RID9, ug sa koordinasyon sa PDEA9.
Ang mga nakumpiskar nga ilegal nga droga itugyan ngadto sa ZDN Provincial Forensic Unit alang sa eksaminasyon, samtang ang dinakpang suspek ibutang ubos sa protective custody sa DIPOLOG CPS alang sa tukmang disposisyon.(MEDALYN U. BORJA)
Source: COP, Dipolog CPS