Malampusong napahigayon sa mga kawani sa Municipal Disaster Risk Reduction and Management Office (MDRRMO) pinangulohan ni Shannaleigh G. Bugarin – Laurencio, RN.,ang Regional Coastal Clean-Up Day 2026 ,nga gipahigayon niadtong Hulyo 2,2026, didto sa Munisipalidad sa Labason, Zamboanga del Norte.
Ang maong kalihokan gihimo ubos sa pagsunod sa RDRRMC IX Memorandum No. 62, s. 2026, ug subay sa Executive Order No. 32, Series of 2026 nga giisyu ni Hon. Jelster Ed T. Quimbo, Municipal Mayor sa Labason.
Giawhag sa maong Executive Order ang partisipasyon sa mga empleyado sa Lokal nga kagamhanan, mga personahe sa Philippine National Police (PNP), Bureau of Fire Protection (BFP), pinili nga Civil Society Organizations (CSOs), lakip ang mga 4Ps beneficiaries, barangay officials, ug constituents sa tanang coastal barangays.
Gipakita niini ang pasalig sa Munisipyo sa usa ka hiniusang ug whole-of-community approach sa environmental protection ug disaster risk reduction nga nahimong kabahin sa Climate Change Adaptation and Mitigation (CCAM) Program.
Dugang pa,nahimo usab kining kabahin sa pag-obserbar sa National Disaster Resilience Month 2026, nga nagpasiugda sa kamahinungdanon sa kolektibong aksyon sa pagsulbad sa pagbag-o sa klima ug pagkunhod sa mga risgo sa kalamidad.
Ang aktibong partisipasyon sa tanang sektor sa mga kabaybayonan nalimpyo ug naayo, nakatampo sa paglikay sa pagbaha, pagpanalipod sa marine ecosystem.
Nahimong paagi sa pag pakunhod sa polusyon, ug pagpasiugda sa mas himsog ug luwas nga komunidad pinaagi kooperasyon nga gipakita ug giambitan nga pasalig sa pagpreserbar sa atong kalikupan ug pagtukod ug usa ka lungsod nga makasugakod sa katalagman.
Sa katapusan ,mipaabot sa ilang kinasingkasing nga pasalamat sa ang munisipyo matag boluntaryo, misalmot nga buhatan, barangay, organisasyon, ug indibidwal nga migahin sa ilang panahon ug paningkamot aron mahimong malampuson ang maong kalihokan.(MEDALYN U. BORJA)
Source: MDRRMO LABASON