Gisugdan na ang pagtukod sa halos P1-milyon nga Mini Covered Court sa Binoni Elementary School human mapahigayon ang groundbreaking ceremony alang sa maong proyekto niadtong Hulyo 3 sa lungsod sa Salug.
Gipangulohan ni Mayor Dr. Ruth Maraon Brillantes ang kalihokan uban ni Barangay Captain Joel Andaya, mga opisyal sa eskwelahan, magtutudlo, ginikanan ug mga sakop sa komunidad nga mitambong sa pagsugod sa proyekto nga nagkantidad og P999,732.22.
Gilauman nga mahimong luwas ug angay nga dapit ang mini covered court alang sa mga kalihokan sa mga estudyante sama sa sports, programa sa eskwelahan ug uban pang aktibidad sa komunidad.
Matud sa lokal nga panggamhanan, ang proyekto kabahin sa padayon nga paningkamot sa administrasyon ni Mayor Brillantes ug sa suporta ni Barangay Captain Joel Andaya sa pagpalambo sa mga pasilidad ug serbisyo alang sa mga lumolupyo sa Salug.(JENIFFER JR. DELICA)
Source: Municipality of SALUG