Arestado ang usa ka miyembro sa Philippine Coast Guard nga wanted sa kasong VAWC atol sa gipatoman nga Joint manhunt operation sa mga tinugyanan sa balaod mga alas 12:10 sa udto niadtong Mayo 28, 2026, didto sa Barangay Dawo, Dapitan City, Zamboanga del Norte.
Ang maong dinakpan nga wanted person naila nga si alyas “Jancris” 31 anyos, ulitawo, miyembro sa Philippine Coast Guard, ug residente sa Upper Bayanihan, Barangay Taguilon, Dapitan City.
Gidakop pinaagi sa mga personahe sa Dapitan City Police Station, uban sa koordinasyon sa 5th Special Operations Unit sa Maritime Group, ang 1st Zamboanga del Norte Provincial Mobile Force Company, ug ang 901st Maneuver Company sa Regional Mobile Force Battalion 9 pinasikad sa Warrant of Arrest tungod sa paglapas sa Section 5(i) sa Republic Act No. 9262, o nailhan usab nga Anti-Violence Against Women and Their Children Act of 2004, ubos sa Criminal Case No. 26-050 nga gi-isyu niadtong Abril 27, 2026, sa Presiding Judge sa Family Court, Regional Trial Court, Branch 4, Dapitan City, nga adunay girekomendar nga piyansa nga Php10,000.00.
Ang dinakpan anaa na karon sa kustodiya sa Dapitan City Police Station alang sa hustong disposisyon ug sa gikinahanglan nga mga legal nga proseso.(MEDALYN U. BORJA)
Source: ZNPPO