Nagtingkagol na karon sa prisohan ang usa ka 38 anyos nga drug personality homan masikop atol sa gipatoman nga hiniusang operasyon sa mga personahe sa kapulisan mga alas 12:30 sa udto niadtong Mayo 28, 2026,didto sa Barangay Sirawai Proper, Sirawai, Zamboanga del Norte.
Naila ang dinakpan nga drug personality nga usa ka 38 anyos, walay trabaho, ug residente sa susamang Barangay.
Nasikop ang suspek pinaagi sa Sirawai Municipal Police Station, uban sa koordinasyon sa 905th Maneuver Company, Regional Mobile Force Battalion 9, ug sa 2nd Zamboanga del Norte Provincial Mobile Force Company.
Nakuha gikan sa posisyon ug kontrol sa suspek ang pinakete sa gituohang shabu nga adunay gibug-aton nga gibana-bana nga 0.5 gramos ug gibana-bana nga kantidad nga Php3,400.00,marked money ug uban pang mga butang nga dili druga.
Human sa iyang pagkadakop, ang suspek gipahibalo sa iyang mga katungod sa konstitusyon ug gidala sa Rural Health Unit sa Sirawai alang sa medikal ug pisikal nga eksaminasyon.
Ang nakumpiska nga ebidensya sa droga isumite sa Liloy Provincial Forensic Unit Satellite Office alang sa laboratory examination.
Samtang ang nadakpan nga suspek anaa karon sa kustodiya sa Sirawai Municipal Police Station samtang nagpaabot sa pagpasaka sa angay nga mga kaso alang sa paglapas sa Republic Act No. 9165, o nailhan usab nga Comprehensive Dangerous Drugs Act of 2002.(MEDALYN U. BORJA)
Source: ZNPPO