Himas rehas karon sa prisohan homan ma-aresto ang usa ka mag-uuma sa pagpayuhot sa ilegal na drugas atol sa gipatuman nga buy-bust operation didto sa Sitio Layasan, Barangay Bago, Sindangan, Zamboanga del Norte, mga alas 1:47 sa hapon niadtong Marso 6, 2026.
Naila ang dinakpan nga usa ka 48 anyos, lalaki, minyo, mag-uuma, ug residente sa Barangay Bago, Sindangan, Zamboanga del Norte,kinsa gidakop pinaagi sa mga personahe sa Sindangan Municipal Police Station (MPS).
Atol sa operasyon nakumpiska gikan sa suspek ang nagkadaiyang heat-sealed transparent plastic sachet sa gituohang shabu nga adunay gibug-aton nga gibana-bana nga 4.0 gramos ug adunay gibanabanang kantidad nga Php 27,200.00.
Ang mga nakumpiska nga butang sa droga itugyan ngadto sa Provincial Forensic Unit, Liloy Satellite Forensic Office, Barangay Fatima, Liloy, Zamboanga del Norte, alang sa laboratory examination.
Samtang ang nadakpan nga suspek anaa karon ubos sa protective custody sa Sindangan MPS alang sa hustong disposisyon.(MEDALYN U. BORJA)
Source: ZNPPO