Wala na maka-iskapo sa kamot sa mga tinugyanan sa balaod ang usa ka 39 anyos nga drug suspek homan kini masikop atol sa gihimo nga buy-bust operation sa mga personahe sa Piñan Municipal Police Station (MPS) didto sa Piñan Public Cemetery, Purok 3, Barangay Poblacion South, Piñan, Zamboanga del Norte, mga alas 3:15 ang takna sa hapon niadtong Marso 5, 2026.
Ang dinakpan nga suspek naila nga usa ka 39 anyos nga lalaki, adunay live-in partner, laborer, ug residente sa Purok Eco 5, Curvada, Barangay Galas, Dipolog City.
Ang operasyon misangpot sa pagkumpiska sa nagkadaiyang pakete sa gituohang shabu gibanabanang motimbang og kapin o kulang usa ka gramo nga nagkantidad ug Php 6,800.00 uban sa mga butang nga dili druga.
Ang nakumpiska nga mga butang sa droga itugyan ngadto sa Zamboanga del Norte Provincial Forensic Unit, Liloy Satellite Office alang sa laboratory examination, samtang ang nadakpan nga suspek anaa karon ubos sa protective custody sa Piñan Municipal Police Station alang sa hustong disposisyon.(MEDALYN U. BORJA)
Source: ZNPPO