Arestado sa kapulisan ang usa ka mag-uuma kinsa nag atubang sa kasong Attempted Murder, niadtong Mayo 14, 2024 sa may 4:58 ang takna sa kahapunon didto Brgy. Olingan, ning dakbayan sa Dipolog.
Ang maong dinakpan giila nga si MARLON BAHAN DELA PEÑA, 30 anyos, ulitawo usa ka mag-uuma, ug residente sa Purok De Oro, Brgy. Olingan, dakbayan sa Dipolog.
Nasikop kini pinaagi sa pag serve sa Warrant of Arrest alang sa krimen nga ATTEMPTED MURDER nga gihimo sa Dipolog CPS Warrant Server (lead unit) kauban ang mga personahe sa RMFB 9 ug 1st ZNPMCC, nga adunay Criminal Case No.27119 nga gi-isyu ni HON. NESTOR RABULAN ANGELES –Acting Presiding Judge, 9th Judicial Region, Branch 8, Dipolog City, Zamboanga del Norte pinetsahan Mayo 14, 2024, nga adunay piyansa nga girekomenda nga mobalor sa P72,000.
Ang suspetsado gipahibalo sa iyang mga katungod sa konstitusyon pareho nga Miranda ug Anti-Torture Warning ug kasamtangang gitanggong sa Dipolog CPS alang sa tukmang disposisyon. (Medalyn U. Borja)
(Source: Dipolog CPS)