Nidanyos og Php 17,500,000.00 ang sunog nga niigo sa usa ka bonega didto sa District 1, Barangay Pulpogan, lungsod sa Consolacion, Sugbo.
Ang alarma sa sunog nadawat sa kabomberohan sa maong lungsod 5:45 sa hapon, Mayo 15, 2024.
Niabot kini sa ikatulong alarma nga napawong pagka alas 8:00 na sa gabii.
Nasayran nga ang maong bonega adunay mga nagkadaiyang mga sulod sama sa plastik, foam ug uban pa.
Ang kabomberohan nakatala og usa ka tawo nga naangol sa maong sunog, samtang padayon pa ang imbestigasyon kung unsay hinungdan niini. (Renante Lada | Angkol Ting Joe)