Dakpan sa kapulisan ang usa ka 45 anyos nga babaye kinsa nag atubang sa kasong pagpangawat, niadtong Mayo 14, 2024 sa may alas 12:35 ang takna sa kaudtuhon didto sa Brgy. Biasong, ning syudad sa Dipolog.
Ang dinakpan giila nga si JOAN AYING MAGLANGIT, 45 anyos, babaye, walay trabaho, minyo, ug residente sa Arellano Street., Brgy. Barra, dakbayan sa Dipolog.
Nadakpan kini pinasikad sa Warrant of Arrest alang sa krimen nga QUALIFIED THEFT (RPC ART. 310) nga giserbe sa Dipolog CPS Warrant Server (lead unit) kauban ang mga personahe sa RMFB 9 ug 1st ZNPMFC nga adunay Criminal Case No.27139 nga gi-isyu ni HON. NESTOR RABULAN ANGELES –Acting Presiding Judge, 9th Judicial Region, Branch 8, Dipolog City, Zamboanga del Norte pinetsahan Mayo 14, 2024, nga adunay piyansa nga girekomendar nga mobalor sa P40,000.
Ang nasangpit nga suspetsado gipahibalo sa iyang mga katungod sa konstitusyon pareho nga Miranda ug Anti-Torture Warning ug kasamtangang gitanggong sa Dipolog CPS alang sa tukmang disposisyon. (Medalyn U. Borja)
(Source: Dipolog CPS)