Nasikop ang usa ka 31-anyos nga lalaki sa usa ka joint buy-bust operation nga gipahigayon sa Barangay Banonong, Dapitan City niadtong Nobyembre 11, 2025, tungod sa paglapas sa Republic Act 9165 o Comprehensive Dangerous Drugs Act of 2002.
Nakumpiska sa kapulisan ang gibanabana nga 3 gramos nga shabu nga nagkantidad og ₱20,400. Ang operasyon gipahigayon sa Dapitan City Police Station uban ang Mabuhay SBC 5th SOU MG ug 1st Zamboanga del Norte Provincial Mobile Force Company.
Ang suspetsado karon anaa na sa kustodiya sa Dapitan CPS samtang ang nakumpiskar nga ebidensiya gidala sa Zamboanga del Norte Provincial Forensic Unit 9 alang sa chemical examination. Giawhag sa kapulisan ang publiko nga magmatngon ug dayon isumbong ang bisan unsang drug-related nga kalihokan sa mga otoridad.(JENIFFER JR. DELICA)
Source: Dapitan City Police Station ZNPPO