Usa ka aksidente sa sakyanan sa National Highway sa Barangay Punta Blanca, Manukan, Zamboanga del Norte ang daling gi respondehan sa mga personahe sa 902nd Community Defense Center (902CDC), Nobyembre 11,2025.
Ang taho sa maong panghitabo daling nadawat sa 902CDC team nga mipaingon dayon sa dapit diin ilang naabtan ang usa ka biktima nga grabeng naangol human nadasmagan sa Toyota Innova.
Ang mga responder uban sa mga personahe sa PNP ug BFP sa Zamboanga del Norte, daling mihatag og first aid aron ma-stabilize ang biktima, kinsa nakaangkon og daghang samad tungod sa impact ug gisiguro nga madala dayon ang biktima sa Manukan District Hospital alang sa dugang medikal nga pagtambal.
Tungod sa daling tabang sa mga personahe ,ang pamilya sa biktima nipadayag sa ilang kinasingkasing nga pasalamat ngadto sa miresponde nga mga personahe nga nahimong instrumento sa pagluwas sa kinabuhi sa biktima ug sa paspas ug tukma sa panahon nga aksyon.(MEDALYN U. BORJA)
Source: 902nd Community Defense Center Zambonga del Norte