Malampusong gipahigayon ang Tulong Panghanapbuhay sa Ating Disadvantaged/Displaced Workers (TUPAD) Payout sa Barangay Poblacion, Salug, Zamboanga del Norte, diin daghang residente ang nakadawat sa maong ayuda pangkabuhian.
Personal nga mitambong sa kalihokan si Mayor Dr. Ruth M. Brillantes uban sa mga sakop sa lokal nga pangagamhanan sa Salug, aron masiguro nga madawat sa mga benepisyaryo ang ilang ayuda.
Gipasalamatan usab ni Mayor Brillantes si Governor Darel Dexter T. Uy ug Congressman Adrian “Ian” Amatong sa ilang padayon nga suporta alang sa mga Salugnon.
Ang maong programa nagtimaan sa pagpadayon sa paningkamot sa lokal nga pamunoan sa paghatag ug oportunidad sa panginabuhian, ilabi na alang sa mga nawagtangan ug kulang ug trabaho, isip bahin sa adbokasiya nga mapalambo ang kinabuhi sa matag pamilya sa komunidad.(IKEN B. GULLEM)
Source: Municipality of SALUG