28.7 C
Manila
Sunday, April 14, 2024

Dipolog: Usa ka drug suspect, sikop sa buy-bust operation

- Advertisement -

Sikop ang usa ka drug suspect sa gikasa nga buy-bust operation sa mga personahe sa ZNPDEU kauban ang Dipolog City Police Station (SDET) ug 901st MC, RMFB9, didto sa Purok Makugihon, Miputak, ning dakbayan sa Dipolog, Zamboanga del Norte mga alas 3:10 sa kaadlawon niadtong Marso 17, 2024.

Nasikop ang suspetsado human mapalitan sa otoridad ug small size heat-sealed transparent plastic sachet sa gidudahang “shabu.”

Nasakmit gikan sa suspek atol sa operasyon mao ang onse ka pakete sa small size heat-sealed transparent plastic sachet sa gidudahang “shabu” nga motimbang og 2 ka gramo nga mobalor sa P13,600, usa ka piraso sa P500 peso-bill isip buy-bust money, usa ka piraso nga P50 peso-bill, usa ka unit sa cellular phone Huawie Y6 brand kolor itom, usa ka walay sulod nga gamay nga lingin nga plastik nga nagsilbing sudlanan sa mga drug items, ug usa ka unit nga Honda Beat nga kolor itom nga nagdala sa plate number 717KIU nga adunay yawe.

Ang mga nakumpiska nga drug items gi-turn over ngadto sa ZN Provincial Forensic Unit alang sa eksaminasyon.

Samtang ang dinakpan gipahibalo sa iyang konstitusyonal nga katungod pareho sa Miranda Warning ug Anti- Torture Law ug gihuptan ubos sa protective custody sa Dipolog CPS alang sa husto nga disposisyon. (Medalyn U. Borja)

(Source: PCADU, Zamboanga del Norte Police Provincial Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -