Natagamtam nan 1,359 ka mga Batang Surigaonon didto sa Brgy. Capalayan an mga libreng serbisyo sa People’s Day Year 2 kuman na adlaw, Marso 21, 2024.
Bisan paman mauyan an panahon, tagdumog gajud nan mga kabaranggayon an People’s Day para maka-avail sa libre na mga serbisyo sa programa ni City Mayor Pablo Yves L. Dumlao II.
An Brgy. Capalayan, isa sa mga barangay na hamok an mga asosasyon nan mga farmers, ugsa nalipay sila kay didto an opisina nan City Agriculture na naghatag nan mga libreng binhi.
Didto sab an opisina nan Department of Trade and Industry (DTI) nga mihatag nan mga lain lain na paagi kun unsaon nila pag palambo an ila mga organisasyon sanan mga produkto na tag baligja.
Hamok sab an nakapa register na sa ila mga National I.D., waya na mahago na mukadto pa sa siyudad para makapa register nan ini.
Gipangunahan an mao na programa kaina ni City Mayor Pablo Yves L. Dumlao II, City Vice Mayor Alfonso Casurra, City Councilor Baltazar Batang Abian, City Councilor Jonel Aldonza, Liga Ng Mga Barangay President Florenillo Ravelo, SK Federated President Jenelyn Edulzura sanan Kapitan sa Brgy. Washington Christopher Boyet Bonite. (Mark James Lisondra)
(Source: Surigao City PIO FB Page)
