Mukabat sa kapin P200,000 ka pesos nga kantidad sa ilegal na drugas ang nasapon sa mga personahe sa kapulisan gikan sa usa ka dorugista pinaagi sa pag serbe sa warrant of arrest mga 5:14 sa hapon niadtong Hulyo 6, 2026 didto sa Purok 2 Tubod, Brgy. Galas, Dipolog.
Ang maong dinakpan naila nga si alyas “Tanggo”, 59 anyos, walay trabaho, usa ka Street Level Individual (SLI)ug residente sa nasangpit nga lugar,kinsa nakumpiskahan sa kapulisan ug gibanabanang 30 gramos nga shabu nga hingpit nga paglapas sa R.A. 9165.
Ang pagkadakop sa suspek ug pagkakumpiska sa ilegal na drugas gihimo pinaagi sa mga sakop sa RDEU9 (Lead Unit) Team ZN , uban sa Dipolog CPS ug 1st ZNPMFC.
Atol sa operasyon nakuha sa mga operatiba gikan sa dinakpan ang pinakete sa gituohang shabu nga mobalor sa Php 204,000.00, lakip ang mga butang nga dili druga.
Ang mga nakumpiska nga droga ipadala sa Provincial Forensic Unit alang sa qualitative ug quantitative nga eksaminasyon, uban sa nasangpit nga suspek sa pagpailawom sa drug test homan dad-on sa Zanorte Medical Hospital alang sa medikal nga eksaminasyon ug temporaryong ibilanggo sa Dipolog CPS samtang giandam ang inquest case alang sa pagsang-at sa tukmang kaso sa korte.(MEDALYN U. BORJA)
Source: COP, Dipolog CPS