Dakpan ang usa ka construction worker sa pagpayuhot sa ilegal nga drugas atol sa gipatoman nga buy bust operation sa mga personahe sa kapulisan mga alas 10:14 ang takna sa gabie niadtong Hunyo 16,2026 didto sa Purok Bayanihan, Barangay Poblacion, Kalawit, Zamboanga del Norte.
Ang maong dinakpan naila nga usa ka 36 anyos nga construction worker,lalaki, minyo kinsa gidakop pinaagi sa mga personahe sa Kalawit Municipal Police Station (MPS), uban sa koordinasyon sa 2nd Zamboanga del Norte Provincial Mobile Force Company (ZNPMFC).
Atol sa operasyon nakumpiska sa kapulisan gikan sa dinakpan ang pinakete sa gituohang shabu nga mutimbang sa gibana-gibana nga 1 ka gramo nga adunay gibanabanang kantidad nga P6,800 ka pesos.
Ang suspek gipahibalo sa hinungdan sa iyang pagkadakop ug mga katungod sa konstitusyon ug anaa na kini karon sa kustodiya sa Kalawit Municipal Police Station alang sa hustong disposisyon ug pagpasaka sa angay nga mga kaso alang sa paglapas sa Republic Act No. 9165, o nailhan usab nga Comprehensive Dangerous Drugs Act of 2002.(MEDALYN U. BORJA)
Source: ZNPPO