Angol sa nahitabong insedente sa panag bangga sa duha ka motorsiklo sa kadalanan ang usa ka lalaki nga nagmaneho sa usa ka Honda Euro nga motorsiklo ug laing motorsiklo nga Honda Beat nga gimanehoan sa usa ka mabdos kauban ang angkas nga anak niini,pasado alas 8:00 ang takna sa buntag,Pebrero 19,2025 didto sa Brgy.Sta. Filomena ning dakbayan sa Dipolog.
Naila ang naangol nga lalaki nga biktima nga si Nelmar Tarin, residente Banicapt, Galas, ning dakbayan sa Dipolog,samtang ang mabdos nga nagmaneho sa laing motor nga adunay angkas giila nga si Anabelle Pata.
Nasayran nga padulong na unta maghatod ang mabdos nga babaye sa iyang anak ngadto sa tunghaan dala sa iyang motorsiklo paliko sa crossing padulong sa Sta.Filomena Integrated School dihang wala damha nga aduna diay nagpadulong nga usa ka motorsiklo nga Honda Euro nisresulta sa panagbangga.
Tungod sa impact sa panagbangga nakaangkon ug samad ang driver sa Honda Euro nga si Nelmar, samtang nakahiagom usab ug pangos ang bata nga gilayon gitabang sa mga residente ug sa mga Barangay Tanod nga daling nagtawag ug ambulansya aron ang mga biktima maatiman.
Daling gidala sa tambalanan ang tulo ka biktima, ug ang mabdos nga inahan sa bata gilayon kining gi-atiman aron masusi ang kahimtang niini.(Medalyn U. Borja)