Usa ka dakong pagkunhod sa krimen nga miabot og 66.62% ang natala sa Central Visayas alang sa buwan sa Enero 2025, base sa taho sa Police Regional Office 7 (PRO-7).
Matod ni PRO-7 Regional Director, Police Brigadier General Redrico Maranan, kini nga talagsaong pagminus sa krimen usa ka positibong timailhan sa kahapsay ug kalinaw sa rehiyon.
Sa Enero 2024, ang rehiyon nakatala og 767 ka krimen, apan kini mikunhod sa 256 na lang sa Enero 2025, usa ka pagkabawasan og 511 ka kaso o 66.62%.
Gipahayag ni PBGen Maranan nga ang maong pagkunhod usa ka resulta sa epektibong law enforcement efforts ug community engagement nga naghatag og mas luwas nga palibot sa Central Visayas, lakip ang mga residente ug bisita.
“This downtrend pattern highlights the effectiveness of law enforcement efforts and community engagement in improving safety and security throughout the region. Such positive changes indicate a promising shift towards a safer and more peaceful Central Visayas community and visitors alike,. I salute my men on the ground for their relentless efforts and commitment to duty, ” dugang ni PBGen Maranan.
Gipasidunggan usab sa Regional Director ang tanang police units ug istasyon nga misaka ang ilang presensya sa komunidad pinaagi sa 24/7 nga mga checkpoint ug operasyon.
Segon pa, gawas sa pagkunhod sa krimen, dako usab ang epekto niini sa pagpalig-on sa kasigurohan sa mga residente ug turista sa rehiyon. Matod ni PBGen Maranan, kini nga positibong kausaban nagsunod sa direktiba sa Chief PNP nga nagpunting sa proactive policing, community collaboration, ug usa ka nagkahiusang paningkamot alang sa mas luwas ug progresibong Region 7.
Ang PRO-7 padayon nga nag-awhag sa publiko nga makigtambayayong sa kapulisan aron mapadayon ang positibong trend sa seguridad ug kahapsay sa Central Visayas.
Source: PRO7- PIO
I via Renante Socia Lada