Aron masiguro ang hustong sanitasyon atol sa gilaumang pagdagsa sa mga bisita karong Easter Sunday, nagdeploy ang Lokal nga Panggamhanan sa Dapitan og upat (4) ka portable toilet sa daplin sa Sunset Boulevard.
Gipangunahan ang lakang sa City General Services Office (CGSO) ubos sa liderato ni Mr. Randy Cabasag ug sa pagdumala ni Ms. Nelte Dampayla. Sumala sa opisina, gipahimutang ang mga portable toilet isip temporaryong solusyon samtang ang kasamtangang comfort rooms sa lugar giayo ug gi-retrofit.
Gipasabot sa LGU nga dako kini og tabang aron mapadayon ang kalimpyo ug kahapsay sa boulevard, ilabi na sa panahon nga daghang tawo ang mogamit sa pasilidad.
Ang upat ka portable toilet gipahimutang sa estratehikong mga dapit aron dali ma-access sa publiko. Gisiguro usab nga adunay igo nga suplay sa tubig pinaagi sa koordinasyon sa nagkadaiyang opisina sa syudad.
Gipasiugda sa lokal nga panggamhanan nga ang maong inisyatibo kabahin sa ilang padayon nga paningkamot sa paghatag og luwas, limpyo, ug organisadong palibot alang sa mga molupyo ug bisita niining Semana Santa.(IKEN B. GULLEM)
Source: City Government of Dapitan