Napuno og kalipay ug kasadya ang selebrasyon sa Easter Sunday sa Sindangan human gipahigayon ang usa ka Easter Egg Hunt nga gitambongan sa daghang deboto ug pamilya human sa Banal nga Misa.
Uban sa kahinam, nagtapok ang mga Sindanganon aron moapil sa maong kalihokan nga naghatag og lingaw, katawa, ug kahigayunan nga makadaog og mga sorpresa lakip na ang cash prizes.
Ang Easter Egg Hunt nahimong posible pinaagi sa inisyatibo ni Mayor Glona Labadlabad, nga nagtumong sa paghatag og dugang kalipay sa komunidad atol sa mahinungdanong selebrasyon sa Easter.
Sumala sa mga partisipante, ang maong kalihokan dili lamang kalingawan kondili usa usab ka paagi sa pagpalig-on sa panaghiusa ug pagbati sa komunidad.
Gilauman nga ang diwa sa Easter magpadayon sa paghatag og bag-ong paglaum, gugma, ug kusog sa matag Sindanganon samtang nagpadayon ang lungsod sa paghiusa alang sa kalamboan.(IKEN B. GULLEM)
Source: Local Government Unit of Sindangan