Malampusong napahigayon ang usa ka “Unity Walk, Peace Covenant and Solidarity Pact Signing” alang sa mga lokal nga kandidato ning dakbayan sa Dipolog, Marso 11,2025,nga gipatigayon sa Orchid Pavilion Plaza Magsaysay ning syudad sa Dipolog.
Ang maong kalihokan ubos sa pagpanguna sa Dipolog City Police Station ug sa pakigtambayayong sa Commission on Elections
Pipila sa mga nitambong sa mahinungdanong kalihokan mao ang mga dinapit nga mga opisyales sa ahensya sa Gobyerno ug pribado nga gilangkuban nila ni Dipolog City COMELEC, Officer-in-Charge, Mr. Melprey A. Mercadera, isip Guest of Honor ug Speaker, kauban si DILG Dipolog- City Local Government Operations Officer, Ms. Sherrie Charlota N. Machutes, City Schools Division Superintendent, Dr.Ma. Liza R. Tabilon ug City Prosecutor, Atty. James P. Verduguez.
Sa samang higayon, mipadayag sa ilang bililhong mensahe sa suporta alang karong umaabot nga Mayo 12,2025 ang mga persohane gikan sa lain-laing ahensya nga nag gikan sa Philippine Army, Philippine National Police, Bureau of Fire Protection,ug Philippine Coast Guard alang sa Limpyo, Matinuoron ug Matarung nga piniliay.(Medalyn U. Borja)
Source: Dipolog City Government