Sikop ang usa ka indibidwal human nasakmitan sa dili muubos sa 50 ka gramong illegal nga drugang shabu sa wala hinganli nga lalaki, hamtong ang panuigon, residente sa Purok Naga Barangay Minaog, Dipolog City, sa gipahigayon nga drug buy bust operation sa Baybay, Galas ning dakbayan, Marso 11 ning kasamtangang tuig.
Ang buy-bust operation gipanguluhan sa mga personahe sa Philippine Drugs Enforcement Agency (PEDEA)inubanan sa Dipolog City PNP.
Ang gituhuang shabu gibanabanang mokostar sa standard drug price nga 150,000.00 ka pesos.
Sa pagkakaron ang suspetsadong nagpayuhot sa illegal nga druga ang anaa na temporaryong gikustudya sa Dipolog City Police Station, ug mag atubang na sa kasong paglapas RA 9165 kun Comprehensive Dangerous Drug Act of 2002.(Angelica T. Obina)
Source: DIPOLOG PNP