Pormal nang nanumpa ug mipirma sa Peace Covenant ang mga kandidato, nagkalain-laing ahensya sa gobyerno ug uban pang stakeholders alang na sa 2025 National and Local Elections (NLE), Marso 10, sulod sa Zamboanga del Norte Police Provincial Office (ZNPPO) Parade Grounds, Sicayab ning dakbayan sa Dipolog.
Kini atol sa Peace Covenant and Solidarity Pact Signing for the 2025 National and Local Elections and Bangsamoro Autonomous Region in Muslim Mindanao Parliamentary Election. Lakip sa mipirma mao ang pilionon pagka-gobernador nga sila si Dapitan City Mayor Seth Frederick ‘Bullet” Jalosjos ug Dipolog City Mayor Darel Dexter Uy.
Anaa usab ang mga pilionon pagka kongresista sa pirmero ug segundo distrito ug pagka miyembro sa Sangguniang Panlalawigan. Gawas sa mga kandidato nanumpa alang na sa hapsay ug malinawun nga eleksyon mao ang nagkalain-laing stakeholders kinsa mipasalig ug misuporta sa pagpaningkamot sa kapolisan alang sa secure, accurate, free and fair elections.
Si Atty. Roberto dela Peña, Provincial Election Supervisor sa Zamboanga del Norte kinsa maoy Guest of Honor aug Speaker ang nagkanayon nga ang maong peace covenant signing dili lamang usa ka pilian kon dili usa kini ka responsibilidad sa matag usa. Dugang ni Atty. Dela Peña nagpahinumdum nga dili nato tugutan nga adunay panagbingkil tali sa matag pamilya, higala ug uban pa tungod kay human unya sa piniliay usa lamang kita ka komunidad. Ang “political differences” sa Bisaya (Cebuano) nagpasabut sa mga lainlaing panan-aw, opinyon, o mga posisyon sa politika. Kini mahimong adunay kalabutan sa mga partido, mga polisiya, o mga ideya sa pagdumala sa nasud, lalawigan, o komunidad.
Samtang si Provincial Director PCol Rainier Diaz nanghinaut nga makab-ot ang hapsay ug malinawon nga piniliay sa Mayo 12 niining tuiga pinaagi sa suporta sa mga kandidato ug sa lain-laing ahensya sa gobyerno ug stakeholders. Ang maong Peace Covenant Signing gipasiugdahan kini sa Zamboanga del Norte Police Provincial Office.(Angelica T. Obina)
SOURCE: PIC-Sheng Jumalon Bala