DIPOLOG CITY — Opisyal nang gisugdan ang 1st Dipolog Robotics Festival and Competition niadtong Abril 11 sa Zamboanga del Norte Cultural and Sports Center kung asa nagtigom ang mga kabatan-onan ug robotics enthusiasts.
Gipakita sa mga partisipante ang ilang kahanas, inobasyon, ug pagkamamugnaon sa larangan sa robotics pinaagi sa nagkalain-laing kompetisyon ug presentasyon.
Mitambong si City Councilor Matoy Barinaga isip guest speaker ug mipadayag sa suporta sa lokal nga panggamhanan sa mga programa nga nagpalambo sa science, technology, ug kabatan-onan.
Ang kalihukan gilauman nga magdasig pa sa dugang nga interes sa teknolohiya ug maghatag og oportunidad sa mga batan-on nga mapaayo ang ilang kahanas sa modernong panahon.(JENNIFER JR. DELICA)
Source: Dipolog City Government