Nagmalampuson ang gipahigayon nga Turnover ug acceptance ceremony alang sa bag-ong set sa musical instruments ug sound equipment nga gidonar sa Armed Forces and Police Savings and Loan Association, Inc. ( AFPSLAI),didto sa Conference Room Head Quarters 97th IB,Brgy.Del Pilar, Piñan, Zamboanga del Norte,Hunyo 30,2025.
Ang maong seremonyas gipangulohan ni Lieutenant Colonel Jimmy J. Sanz, Commanding Officer, sa 97th Infantry “Kalasaglahi” Battalion, Philippine Army, ug gitambongan nila ni Ms. Joan Grace J. Abiol, Branch Head sa AFPSLAI Pagadian Branch, kinsa personal nga mitunol sa donasyon ngadto kang Lt. Col. Sanz, uban sa iyang mga staff officers.
Usa kini ka mahinungdanong kalihokan nga pagpakita sa dili matarug nga suporta sa AFPSLAI ngadto sa Armed Forces—dili lamang sa paghatag ug pinansyal nga serbisyo.
Ang mga gidonar nga mga ekipo ug sound instrument gilangkuban sa Yamaha keyboard, Yamaha mixer, usa ka amplifier, ug duha ka Crown loudspeaker nga adunay kapasidad nga 1000 watts matag usa.
Kini nga mga sound ug musical equipment usa ka dekalidad nga gilaumang makapalambo sa Civil-Military Operations (CMO) sa batalyon, ilabina sa panahon sa mga pakiglambigit sa komunidad,ug mga outreach program.
Ang Philippine Army isip mag aalagad sa komunidad,mipakita sa maayong gawi nga mag aghat sa mga stakeholder nga mutabang usab sa pagpauswag sa mga paningkamot sa kalinaw ug sa komunidad.(Medalyn U. Borja)
Source: 97th Infantry KALASAGLAHI Battalion