Gipasiugdahan ni Cebu City Mayor Nestor Archival, kauban ni Vice Mayor Tomas Osmeña ug South District Representative Edu Rama, ang ribbon-cutting ceremony alang sa paglusad sa libre nga shuttle service para sa mga night shift workers ug BPO employees sa dakbayan.
Ang kalihokan gihimo uban ang suporta ni Barangay Captain Derrick Yap, Konsehal Paul Labra, ug DSWD-7 Assistant Regional Director for Administration Tonyson Luther S. Lee.
Ang maong inisyatiba nagtumong sa paghatag og himsog ug luwas nga sakyanan para sa mga empleyado nga nagtrabaho sa gabii, ilabi na kadtong mga naa sa BPO industry.
Kabahin kini sa paningkamot sa syudad nga tabangan ang mga trabahante ug palig-onon ang seguridad sa publiko.
Gipasalig sa mga opisyal nga ipadayon ang pagpangita og paagi aron mas mapalambo ang serbisyo alang sa katawhan, ilabi na ang mga kasagaran nga wala nay masakyan panahon sa kagabhion.
Ang programa usa sa mga lakang sa Cebu City nga nagpakita og suporta sa sektor sa trabaho ug sa kaluwasan sa tanang Cebuanon.
I via Renante Socia Lada
#rpndykccebu
#675hzamband