Himas rehas ang usa ka Ginang nga nagpayuhot sa illegal nga druga sa gipahigayon nga drug buy bust operation sa mga kapulisan didto sa Sta. Filomena ning dakbayan sa miaging adlaw.
Ang dinakpan nga si alyas Linda 33 anyos, dalaga ug residente sa Velasco Street, Barangay Miputak Dipolog City.
Nakuha gikan sa dinakpan ang duha ka gagmay nga pakete ug usa ka dakong pakete sa shabu nga motimbang ug 3 gramos nga mubalor sa 20,400.00.ka pesos.
Uban sa mga nakompiska ang 500 peso bill isip buy bust money, usa ka unit sa keypad sa cellphone, ug usa ka disposable lighter.
Ang mga ebedinsya nga nasakmit nga druga ang giturnover gilayon ngadto sa ZDN Provincial Forensic Unit alang sa eksaminasyon.
Sa pagkakaron ang suspek ang anaa sa kustudiya sa Dipolog PNP ug mag-atubang sa kasong paglapas sa RA 9165 kon Comprehenssive dangerous Drugs Act of 2002.(Angelica T. Obina)
Source:Dipolog CPS