Opisyal nga giturnover kagahapong dlawa, Pebrero 9, 2026, ang Dapitan City Central School Library Hub sa usa ka seremonyang gipangulohan ni City Mayor Evelyn “Belen” T. Uy uban ni Assistant Schools Division Superintendent Aurelio A. Santisas, CESO VI.
Kini nagpakita sa lig-on nga paningkamot sa lokal nga kagamhanan sa pagpalambo sa edukasyon ug sa pagpasiugda sa kultura sa kanunayong pagkat-on sa mga kabatan-onan.
Ang Library Hub gilaraw isip usa ka luwas ug angay nga lugar alang sa mga tinun-an aron makabasa, makapanukiduki, ug makapalapad sa ilang kahibalo gawas sa klasrum. Tumong niini ang pagpalambo sa gugma sa pagbasa, paghasa sa kritikal nga panghunahuna, ug paghatag og hapsay nga palibot alang sa pagkamamugnaon.
Pinaagi sa moderno ug daling maabot nga mga materyales, ang hub mosuporta sa holistikong paglambo sa mga tinun-an isip andam sila sa umaabot nga mga oportunidad.
Samtang, gipasiugda sa mayor nga ang paghatag og kalidad nga palibot sa pagbasa usa ka hinungdanong pamuhunan alang sa kaugmaon sa mga kabataan ug sa tibuok siyudad sa Dapitan.
Gitambongan usab ang turnover ceremony sa lain-laing mga opisyal sa edukasyon, nga nagpakita sa lig-on nga panaghiusa tali sa lokal nga kagamhanan ug sa Department of Education (DepEd) sa paghatag og dekalidad nga edukasyonal nga kahigayonan alang sa matag magtutun-an.(IKEN B. GULLEM)
Source: City Government of Dapitan