Tulo ka nahuman nga proyekto sa imprastraktura ang opisyal nang giturnover ngadto sa lokal nga gobyerno ug mga residente sa Sibuco ubos sa pagpanguna ni Cong. Ian Amatong, diin na turnover ang konstruksyon sa bag-ong spillway ug approach, ingon man ang rehabilitasyon sa usa pa ka spillway sa Barangay Jatian.
Apil usab sa gitunol ang usa ka Multi-Purpose Building nga magsilbing Municipal Tribal Hall, usa ka pasilidad nga magamit sa mga kalihokan sa komunidad ug sa mga Indigenous Peoples sa lungsod.
Sumala sa mga opisyal, ang mga spillway makatabang sa pagpadayon sa konektibidad tali sa mga barangay bisan pa sa dili maayong panahon, samtang ang Tribal Hall maghatag og lugar alang sa mga tigum, serbisyo, ug kultural nga aktibidad.
Mitambong sa maong kalihokan sila Joel Ventura, Absar Caril, uban sa ubang lider sa lalawigan ug mga representante sa nagkalain-laing ahensya sa gobyerno.
Gilauman nga ang maong mga proyekto magdala og dugang kaharuhay ug kaayohan sa adlaw-adlaw nga kinabuhi sa mga residente sa Sibuco.(IKEN B. GULLEM)
Source: Team Adrian Amatong