Gitagbo sa mga katawhan ang usa ka gabii nga puno sa kusog nga musika ug selebrasyon ang Sindangan Music Feast 2026 nga gihimo niadtong Mayo 2, 2026, nga nagtipon sa daghang artista ug musikero gikan sa lain-laing dapit sa Mindanao.
Gisugdan ang programa pinaagi sa makusog ug madasigon nga pasundayag sa Sindangan LGU Band, nga dayon nagpasaka sa enerhiya sa mga nanambong ug naghatag og sinugdanan sa usa ka gabii nga puno sa kalingaw.
Sunod nga mipasundayag ang mga guest bands nga nagdala og lain-laing estilo sa musika. Apil niini ang Quick Set Go gikan sa Dumingag, Zamboanga del Sur, Philippines, Beyond Acoustic gikan sa Dipolog City, Zamboanga del Norte, Sharp HD gikan sa Ipil, Zamboanga Sibugay, ug The Northside gikan sa North Cotabato.
Ang kalihokan nagpakita usab sa kusog nga suporta sa komunidad sa musika ug sa padayon nga paningkamot sa Sindangan sa pagpalambo sa cultural ug entertainment events nga naghiusa sa mga tawo.
Gipasalamatan sa mga organizers ang tanan nga nitambong ug miambit sa selebrasyon, nga nagpasabot nga ang maong kalihokan dili lang usa ka concert, kundili usa ka panaghiusa sa mga tawo pinaagi sa musika.(IKEN B. GULLEM)
Source: Municipality of Sindangan