Makasigurong mas luwas ug mas hapsay n ang pagbiyahe sa Polanco–Macleodes Road human mahuman sa Department of Public Works and Highways (DPWH) Zamboanga del Norte 1st District Engineering Office ang tulo ka preventive maintenance projects sa maong dalan.
Ang na-upgrade nga dalan maoy nagkonektar sa mga interior barangay sa Polanco ngadto sa sentro sa lungsod ug sa mga kasikbit nga lugar sama sa Piñan, Mutia, Dapitan City, ug Dipolog City, nga importante sa adlaw-adlaw nga pagbiyahe sa mga residente ug sa transportasyon sa mga produkto.
Dako usab ang gilaumang benepisyo sa mga mag-uuma sa Barangay Macleodes ug kasikbit nga mga lugar tungod kay mas sayon na nilang madala ang ilang mga ani ngadto sa mga merkado. Mas napadali usab ang pag-access sa mga eskwelahan, health centers, ug mga opisina sa gobyerno.
Gawas niini, nagsilbi usab ang Polanco–Macleodes Road isip alternatibong ruta padulong sa Zamboanga del Sur panahon sa emerhensiya ug grabeng trapiko.(IKEN B. GULLEM)
Source: DPWH REGION IX ZAMBOANGA PENINSULA