Kasamtangan karon nga gitago sulod sa buhatan sa Provincial Election Supervisor ang tulo ka mga ballot boxes nga gi pull out niadtong Mayo 15 gikan sa Dapitan City.
Selyado ang mga ballot boxes nga gi turn-over ngadto na sa buhatan sa Provincial COMELEC para sa himoong manual audit didto na sa COMELEC Manila.
Kini aron pagsubay kun ang nahimong resulta sa mga Automated Counting Machines ug sa pagahimoong manual audit sa mga balota magkapareho ang resulta.
Gawas sa Dapitan, duna pa’y dugang nga mga ballot boxes nga ipull-out para gihapon sa manual audit gikan sa mga lungsod sa Katipunan ug Sibuco.
Wala pa’y nakuhang impormasyon kun pila ka mga ballot boxes ang gikan sa duha ka mga lungsod.
Wala pa sab nakuhaan og pahayag ang OIC Provincial Election Supervisor nga si Atty. Roberto dela Peña aron unta makahatag sa dugang mga detalye kun kanus-a ibyahe paingon sa Manila ang mga gipang pull-out nga mga balota.(Angelica T. Obina)