Balhog sa selda sa Manukan PNP ang usa ka 41-anyos tungod sa gipahigayon niini nga ilegal nga pagpanagat sa gihimo nga operasyon didto sa Barangay Don Jose Aguirre, Manukan, Zamboanga del Norte sa nakalabay nga adlaw.
Ang maong operasyon gipanguluhan sa mga personahe sa Manukan Municipal Police Station inubanan sa kooperasyon sa mga miyembro sa Bantay Dagat nga hinungdan sa hinanaling pagdakop sa maong mananagat.
Nakuha sa mga kapolisan sa ilang posisyon ang mga gamit sa pagpanagat ug usa ka blue-and-white nga bangka, nga gibanabana nga nagkantidad ug 25,000.00 ka pesos,ug matud gahupot kini ug inbalido nga lisensya o walay permit sa pagpangisda, nga supak sa Municipal Fishery Ordinance No. 04, series of 2002 ug No. 01, series of 2008 ang hnungdan sa iyang pagkasikop.
Sa pagkakaron ang suspetsado gibuhi-an ra usab dayun sa mga kapolisan human na isyuhan ug citation ticket ug nakabayad gilayon sa multa.(Angelica T. Obina)
Source: ZNPPO