Wala na maka eskapo ug na aresto sa gipahigayon nga law enforcement operation sa mga tinugyanan sa balaod, ang usa ka notadong Top 9 Most Wanted Person city level, pasado alas 2:54 ang takna sa kahapunon, Mayo 14,2025 didto sa Purok Durian, Barangay Hilltop, dakbayan sa Dapitan.
Naila ang akusado nga usa ka 29 anyos nga lalaki, ulitawo, ug residente sa nasangpit nga Barangay kinsa gidakop sa mga operatiba sa CIDG Zamboanga del Norte Provincial Field Unit uban sa koordinasyon sa Dapitan City Police Station.
Ang pagdakop gihimo pinaagi sa warrant of arrest sa krimen nga Lascivious Conduct ubos sa Section 5 (B) sa Republic Act No. 7610, nga giisyu ni Hon. Florendo Bolante Opay, Presiding Judge sa Branch 4, Family Court, 9th Judicial Region, Dapitan City, pinetsahan og Mayo 13, 2025 nga adunay piyansa nga girekomendar nga mobalor sa Php 120,000.00.
Ang suspek gidala sa CIDG ZDN PFU alang sa dokumentasyon ug saktong disposisyon.(Medalyn U. Borja)
Source: ZNPPO